ليش الخصام?

ليش الخصام?

اللي يربطنا ما هو قول و لا كلام
هو شي يكسر صدى الصوت
و بيه نتحدى و نواجه العالم
اكيد...
هو الوجد و الهيام
قولي بس ليش الخصام!!!

يتالم الخافق و ينفطر
من الجفا مو من العتاب و الملام
تبكي العين بحرقه
و ترافق الصهر ما يعودها منام
العقل ما يصدق
يفكر انه تايه من عالم من الكوابيس و الاحلام
تسود الحياه و تجتاحها عواصف الالام
تصير مثل السفينه التايهه بين موج اليم

اه و اه من اللي يحسه الفؤاد من الجرح
يتوه في انين الشارع المهجور
يعبر الدنيا و يخوض معارك البحور
يضيق الدرب باحزانه و عليه الزمان يجور
يطل الخوف من العين يدور للامان حضور
تلقفها الدمع يئن
و على حس الحبيب يبحث و يدور
شو اللي يمنع الرحوع غير عزة النفس و الكبور
بشوفة عين و لمسة يد تطيب الخاطر المكسور
يلتام الجرح و يصير القلب بالفرح مغمور
يرجع يحيا و يسكن في درب الهنا ماسور
يحلق في عنان السما و كانه طاير به عصفور
يدق باب الاماني و يشيد منها قصور...