وصلنا لقله الادب

[size=16]ابو اسامه حوش مبلغ كده يادوب يفسح يه اسرته البسيطه المكونه من الزوجه و3 اطفال اكبرهم 13 سنه واصغرهم 7 سنوات
وكالمعتاد يوم الخميس قررت الاسره ان الفسحه تكون حاجه جديده نروح السينما الافلام الجديده نشوف اخبارها ايه

الام جهزت كيس سندوتشات والاب اشتري اللب والسوداني والفشار فسحه بقا
دخلت الاسره الكريمه السينما بعد كع دم قلبها بالتذاكر
خرجت الاسره البسيطه من السينما نادمه علي فعلتها وعلي تمن التذاكر وعلي اليوم اللي ضاع وعلي اللي فكر اصلا يفسحهم

للاسف دخلت الاسره فيلم من افلامنا اللي المفروض اننا بنرتقي بنهضه السينما وننافس الغرب ولكن...........

مايحدث هو اننا نهبط لنصل الي قمه قله الادب
طبعا انهالت الاسئله علي الاب
يعني ايه يابا؟
يقصد ايه؟
انا مش فاهم!
وطبعا الاب نفسه بوسط السينما وتعالي الضحكات علي التليمحات السافره وعلي المناظر المخجله
لم يستطع ان يجيب اولاده

لاننا بصراحه وصلنا لقله الادب بأفلامنا
ولا اخفيكم القول ان حتي الدعايه للفيلم علي التليفزيونات اصبحت شئ مقزز للغايه
لا وايه عشان نداري قله الادب البطل بيشتم بالانجلش

يا سلام قمه التطور
اقصد قمه التهور في اللي يحاول يدخل هو وعائلته الكريمه لمشاهده كلام وقصه هيطلع منها بكام شتيمه ودمتم
ياتري احنا كل اللي خدناه من الغرب قله الهدوم وقله الادب؟
احنا بنعلم ابنائنا الباد ورد بس بالانجلش عشان محدش ياخد باله

ياتري لو عندك اسره واطفال هل تجرؤ لدعوتهم علي افلام من هذه النوعيه؟[/size]