صاحبتي كدابه ايه الحل

السلام عليكم اولا

بما ان دا جزء المشاكل وحنا هنا كلنا اصحاب فا انا عندي مشكله وعاوزة منها حل منكم انكو تقدرو تساعدوني فيها

ابتدي كلامي بتعريف اطراف المشكله انا ليا 4 بنات اصحاب (م/ش/ر/ا)هما دول الاربعه

والاول مره نكون انا و(ش/ر/ا) كلنا كويسين مع بعض ياعني مافيش طرف زعلان من التاني والحمد لله حسد

اما بقي بالنسبه ل(م) فدي صاحبتي انا لوحدي ياعني مش صاحبت باقي البنات وهي مالهاش الاانا ياعني صاحبتي انا الوحيده

المهم صاحتي دي فيها عيب وحش جداااااااااااااااااا مع انها كويسيه في كل حاجه عيبها ايه بقي عيبها انها بتكدب عليا في حاجات كتير جداااااا ما اعرفش ليه علي الرغم اني مش هاعمل حاجه لو قالت الحقيقه او هاستفيد حاجه بالعكس انا اتمني ليها الخير دايما

ياعني مثلا مثال هايف جدااا لو اشتريت بنطلون ب 100 تقول انه 200 ليه ما اعرفش

حاجه كمان

خيالها واسع معايا اووووي يا عني بتتخيل حاجات عمرها ماهاتحصل معاها ابدااااا وتبتدي تحكي انها جابتها او حصلت معاهاا او كده

زي مثلا انها مخطوبه وخطيبها دا متزمت جدااااااا يا عني مالوش في الهزار او انها تبين جسمها نهااائي علي الرغم انها من دين مختلف غير دينا

بس انا بيعجبني في انه محافظ عليها ياعني علي طول (م) لابسه طويل وقفل رقبتها مش بتبان مافيش خروج الا باذنه حاجات كتير من دي حلوة

مثلا تيجي تقولي مش احنا رحنا العين السخنه ولبست مايوه وكان سايبني براحتي طيب مثلا انا اقول ايه دا ورجلك كانت باينه كلها تقولي ااااه عادي هو ما اتكلمش في حاجه

مع العلم انها مش عندها مايوه اصلالالالا ولا هو هايخليها تلبس كده ابداااااا مهما حصل

مثلا كل يوم والتاني تقولي شفتي خطيبي جابلي ايه

وبعديها بيومين تقع بالكلام وتقول انها اشتريتها منين وبكام وانا بطنش وعادي جدااااااااااااا

نيجي مثلا لو انا فكرت اكدبها او اقها انتي كدابه في كذا كذا وكذا تقولي لالالالالا انت ماتعرفيش حاجه انت هاتعرفي منين هو دا اللي حصل

وتيجي بعديها بيومين تقع بالكلام و تقولي الحقيقيه

والايام دي بقي خلالالاص الامور زادت عن حدها اووووووووووي لدرجه اني تعبت واتخنقت بجد قولولي بقي انتو انا اعمل ايه ؟
انتحار

مستنيا مشاركتوك
وال لقاء اخر مع مشكله جديده مع اصحابي

بصي يا قمر
اولا محدش خالي من العيوب
بس الكدب مااااااااااااالوش حل
زي البلاك بالتوب الابيض
بس انصحك انك تواجهيها بعيوبها برفق
ولو مش سمعت الكلام واتغيرت
يبقا لازم يكون في حل جذري
لان ببساطه الصديق كلمه مشتقه من الصدق
واذا ضاع الصدق فلن يكون هناك صداقه
ومن المستحسن ان تغير من طباعها والا.....
الكذب طبع لا يستهان به
ممكن تاخدك كمان بالرجلين
ويارب اكون افدتك
وتقبلي تحياتي ومروري

الســـلام عليكـــــم

انا معاكي يا زينه ان مافيش حد خالي من العيوب بس انتي قلتي ان الكدب ماالوش حل
اما بالنسبه للمواجهه ساعات بحس اني هاجرح شعورها لو كدبتها وساعات بقول انا كده
كده مش هاستفاد حاجه كفايه انها عارفه انها بتكدب وخلاص وكمان ساعات بقول انها
مع الايام ممكن تتحسن اوتبطل بس بصراحه لقيت انها بتسوء كل يوم عن اليوم اللي قبله
قولولي انتي بقي اغير من طباعها ازاي ولا ؟؟؟؟؟؟؟؟؟؟؟ دي عباره عن ايه لان بجد
نفسيتي تعبت دي حتي انا مره نصحتها بحاجه قلتلها بلاش تعمليها لانها غلط ومش المروض
انها تيجي منك عارفه قالتلي ايه قالتلي انت مش ععايزني افرح ليه وفي وسط كلامها فهمت
انها بتقول اني غيرانه منها مع اني بالنسبه للمستوي انا والحمد لله احسن منها بكتيررررررر
وبالنسبه لكل حاجه انا احسن منها بكتيرررر جا وعمري ماحسستها بحاجه زي كده ولا عمري
افكر بردو فهمتها بالعقل وبراحه اني عمري ما هافكر ابصلها لانها غيري في كل حاجه وكمان
انا لا مخطوبه او بجهز علشان افكر اني اغير منها ولا اصلا خطيبها دا لو اتقدملي واحد زيه
اهلي يوفقه عليه بس كده هي دي كله الحكايه انها زودتها عليا اوووووي وانا بصراحه تعبت من
الكدب والتاليف في كل المواضيع دا انا بحس انها خلاص بقيت تكدب حتي في كلمه صباح الخير
عايزه حـــــــــــــــــــــــــــــــل والنبي

بصي يا قمر
انتي كده دخلتي بموضوع تاني خالص وهو موضوع غيره الاصدقاء
اذا كان قلنا مبدا الكدب مرفوض فمابالك بالغيره كمان وياعالم هندخل كمان بالحسد
جدتي قالتها حكمه
الطبع يغلب التطبع
مفيش مخلوق يقدر يغير طبع مخلوق
هتفضل كده تكدب وتغير ممكن يكون احساسها بالنقص
او الطموح الزائد
عامتا ايا كان السبب
امامك خياران
الاول ان تتحملي ما بدر منها من كدب وغيره وتنطنشي او تنفضي وتبتسمي ابتسامه سخريه واستهزاء
بس هيكون علي اعصابك وهتفضلي تعبانه
الثاني ان تنفصلي نهائيا وبتحذير منك وبحده اذا لم تكون صادقه علي الاقل معك فالاحسن ان تفترقا
وانا ما اعتقدتش ان هناك حلول اخري
واتمني اكون افدتك
وتقبلي تحياتي

ممممممممممممممممممممم

بصي هما الاتنين اصعب من بعض سواء الاول ولا التاني

الاول صعب في اني هارجع استحمل تااااني انا كذا مره غصب عني بضحك وهي بتتكلم
لما الامور تزيد عن حدها اوووي بس هي مش بتتغير

والثاني اني ابعد عنها لاني بحبها وهي كمان علي ما اعتقد انها بتحبني وغير كل دا هي
مالهاش غيري بس عيبهاااااا دا هايجنني منها

واخر حاجه شكرا ليك يا قمر علي النصيحه التمام والف الفين شكرا

بصى الكدب ملوش رجلين مش هقولك حاجه اكتر من اللى قالتو زينه بجد
لانن فعلا الصداقه مبنيه على الصدق وان غاب الصدق يبقى بلاها الصداقه من اساسو
المهم
اعملى ده زى مقالت زينه

الاول ان تتحملي ما بدر منها من كدب وغيره وتنطنشي او تنفضي وتبتسمي ابتسامه سخريه واستهزاء

تقبلى مرورى وتحياتى ليكى ياقمر سيدتى

شكراااااااا يا توركي لردك وانا هاحاول اعمل كده واجرب وابقي اقولكو ايه اخر الاخبار